Interpreter of Maladies
Friday, February 18, 2005
Fresh from the oven !!!samay ki is aapadhaapi mein
jeevan aniyantrit ghode sa
bhaaga karta hai rozana
mujhko deta hai ulaahana
ab chal tu bhi, baandh le bistar
uth kar sangrah kar le jeevan
mrit, pracheen smritiyaan chod
jeevan chal navjeevan ore
jeevan mrtiyu hai khel anokha
maanav kab samjha ye dhokha
maati aur manav ka rishta
hain sadiyon se chala aa raha
maya aur moh ke bandhan
bandhenge mann ko andar tak
par tu inke bandhan tod
jeevan chal navjeevan ore
bahut jatil hai prem paheli
rishton ki seemayon mein ye
kasti hai jeevan ki veni
aur jab koi taara ban ke
kho jaata hai neel gagan mein
mann dhoondha karta hai usko
sapnon ke abhyaranya mein
par ab in mrigtrishnayon ke
naye chalavon se munh mor
jeevan chal navjeevan ore
