Interpreter of Maladies
Tuesday, April 19, 2005
prem pagi kavitaabki baar ek choti si kavita hai. Mere kaafi pasandeeda lekhak hain, jinki rachna hai ye....i am sure ye google search se bhi milna mushkil hai. isliye is baar shayad sincerely mujhe koi dhoondh kar batayega ki kiski rachna hai ye. ye ek sangrah ki kavita hai. jaisa samajh aa hi jaayega, yah radha krishna ke baare mein hai. Ab aap sochiye ye kiski kavita hai....
ghaat se lautate hue, teesare prahar ki alsaayi bela mein
maine aksar tumhein kadamb ke neeche, chupchap dhyanmagn khade paaya
maine koi agyaat vandevta samajh, kitni baar tumhein pranaam kar sar jhukaya
par tum khade rahe..adig, nirlipt, veetraag, nishchal
tumne kabhi use sweekara hi nahi
din par din beetate gaye aur maine tumhein pranaam karna tak chod diya
par mujhe kya maloom tha wah sweekriti hee atoot bandhan ban meri pranam baddh anjuliyon mein, kalaiyon mein is tarah lipat jaayegi ki kabhi khul hi nahee paayegi
mujhe kya maloom tha tum keval nishchal khade nahi the
tumhein mere pranam ki mudra aur mere haathon ki gati is tarah bhaa gayi thi ki
tum mere ek ek ang ki ek ek gati ko poori tarah baandhana chahte the
is sampoorna ke lobhi tum, bhala is pranam ko kyun sweekarate ?
mujh pagli ko dekho, main samajhti rahi ki tum kitne veetraag ho, kitne nirlipt
